არც ისე დიდი ხნის წინ,(დაახლოებით 2009 წელს) ბატონმა როლანდ თოფჩიშვილმა საჩუქრად გადმომცა პატარა წიგნი , სათაურით ,,ლეჩხუმური გვარსახელები,,. მინდა მოგახსენოთ რომ,ბატონო როლანდ თოფჩიშვილი არ გახლავთ ლეჩხუმელი,ის უბრალოდ დაინტერესდა ლეჩხუმის ეთნიკური ისტორიით. წიგნში მაქსიმალურად თავმოყრილია ლეჩხუმური გვარების ლეჩხუმში მიგრაციის ისტორია.ხოდა ეხლა საშუალება მეძლევა რომ წიგნში მოცემული თითოეული გვარის ისტორია დავდო რამდენიმე სიახლეში თანმიმდევრობით. აღსანიშნავია ის ფაქტი რომ წიგნში მოცემული გვარის მიგრაციის ისტორიები(და არა გვარის წარმოშობის ისტორია),შესწავლილია ძირითადად ზეპირი გადმოცემების მიხედვით,თუმცა მაქსიმალურად ზედმიწევნით და სიზუსტით ( ამასთანავე წინაწარ დიდ ბოდიშს მოგიხდით იმის გამო რომ თითოეული გვარის ისტორიის მოკლე მიმოხილვაა,თუ ვინმეს გააჩნია თავისი გვარის წარმოშობის შესახებ ვრცელი ინფორმაცია მომაწოდოს ელექტრონულ ფოსტაზე და აუცილებლად გამოვაქვეყნებ) მოკლედ დიდი მადლობა ბატონ როლანდ თოფჩიშვილს, აღნიშნული ,,საგანძურის,, ჩემს ხელში ჩაგდებისთვის,თქვენი მონა მორჩილი კი მაქსიმალურად შეეცდება რომ გადმოგცეთ აღნიშნული წიგნის შინაარსი. წიგნში ბატონ როლანდ მკაფიოდ აქვს დაფიქსირებული რომ,ლეჩხუმი უაღრესად მიგრაციაქმნილი კუთხეა. ლეჩხუმში არიან სამეგროლოდან, იმერეთიდან,სვანეთიდან და რაჭიდან მიგრირებული გვარები. თუმცა აღსანიშნავია ის ფაქტი,რომ ბატონ როლანდს კვლევის დროს შეხვდა ბევრი ისეთი გვარი,რომლის მოსულობის შესახებ ინფორმაცია ვერ მოიძია,რაც მეტყველებს იმაზე,რომ ან ლეჩხუმში მიგრირების შესახებ ინფორმაცია დაიკარგა ან აღნიშნული გვარები არიან სუფთა ლეჩხუმური წარმოშობის გვარები: ყ უ რ ა შ ვ ი ლ ე ბ ი , ყ რ უ აშ ვ ი ლ ე ბ ი (ყურაშვილებს და ყრუაშვილებს საერთო წარმომავლობა აქვთ და აზნაურთა წრეს ეკუთვნოდნენ), ა ხ ვ ლ ე დ ი ა ნ ე ბ ი (ამ გვარის მატარებლები იყვნენ გლეხები, აზნაურები და თავადები), ო მ ა ნ ა ძ ე ე ბ ი, ბ ა ნ ძ ე ლ ა ძ ე ე ბ ი, უ გ რ ე ხ ე ლ ი ძ ე ე ბ ი, კ ვ ა ტ ი ტ ე ბ ი, ს ი ლ ა გ ა ძ ე ე ბ ი, ა ლ ა ვ ი ძ ე ე ბ ი, ს ა ნ ი კ ი ძ ე ე ბ ი, ბ უ ა ძ ე ე ბ ი და სხვა. ზოგიერთი ეს გვარი ლეჩხუმში მე-16 საუკუნის საბუთში გვხვდება: სილაგაძეები, ყრუაშვილები,ყურაშვილები.
თავდაპირველად (თანმიმდევრობა დაცულია წიგნის შესაბამისად) უმჯობესია სვანეთიდან მიგრირებულ გვარებზე შევჩერდეთ, რადგან ლეჩხუმი,სვანებთან ერთად, ის რეგიონია ,სადაც ან (იანი) სუფიქსიანი გვარებია წარმოდგენილი. (გვარის წარმოშობის ისტორიები დაემატება მომდევნო სიახლეებში თანდათანობით) |
