გ უ რ გ უ ჩ ი ა ნ ე ბ ი სოფელ ორბელში ცხოვრობენ. მათი წინაპარი ლეჩხუმში სვანეთის სოფელ ეცერიდან მოსულა. გადმოსახლებულებმა გვარსახელს ფონეტიკური ფორმა უცვალეს. სვანეთში გურგუჩიანების წინაპარი გურჩიანის გვარსახელს ატარებდა. გურჩიანის წინაპარს ,ეთნოგრაფიული მასალებით, დანაშაული ჩაუდენია და ორბელის ზედა კუთხეში-ჩერაში დასახლებულა. სვანები რომ ჩამოსულან სისხლის ასაღებად, ეს კაცი დამალულა. შემდეგ ამ კაცის ცოლისთვის მოსისხლე სვანებს ძუძუები მოუჭრიათ. სამ მოსისხლე სვანს ,,აკავანით,, (ე.ი აკვანით) ბავშვი გაუტაციათ (ორბელში ამ ადგილს ეხლაც ,,აკავანი,, ქვია) გურგუჩიანების წინაპარი გზაში ჩასაფრებია მესისხლეებს და ერთი გასროლით სამივე მოუკლავს, რადგან ისინი ბილიკზე მიდიოდნენ. ,, ამის შემდეგ აქ გამრავლებულან გურგუჩიანები და ჩვენ და მაგათ ეხლა განსხვავება აღარა გვაქვს, ისე ვართ,, (მთხრობელი ს.მეგრელი).
გ ვ ი დ ი ა ნ ე ბ ი სვანეთიდან მიგრირებული გვარია. მთხრობელის სიტყვით ,,ვერ იმრავლეს. ხატზე გადაცემული ყოფილან და იმიტომ ვერ იმრავლეს. ასე ყოფილა უწინ. მისი პაპა სვანეთიდან ყოფილა გამოქცეული და იქ გადაუციათ ხატზე. რა დანაშაული ჰქონდა არ ვიცი,,
გ ვ ი შ ი ა ნ ე ბ ი სვანეთიდან არიან ცამოსულები,რომლებიც სვანი გვიჩიანებიდან მომდინარეობს. ქვემო სვანეთიდან, ჭველიერიდან, არიან ჩამოსული მ უ კ ბ ა ნ ი ა ნ ე ბ ი ც ,, ბაბუებსაც არ ახსოვთ მაგათი ჩამოსვლა,,- ამბობს მთხრობელი. |
